᠒᠐᠑᠖ ᠣᠨ ᠳᠤ UNICODE-in ᠶᠢᠰᠦᠳᠦᠭᠡᠷ ᠬᠤᠪᠢᠯᠪᠤᠷᠢ ᠶᠢ ᠳᠠᠭᠠᠵᠤ ᠮᠣᠩᠭᠣᠯ ᠪᠢᠴᠢᠭ ᠦᠨ UNICODE-in ᠰᠢᠨᠡ ᠬᠤᠪᠢᠯᠪᠤᠷᠢ ᠨᠡᠢᠲᠡᠯᠡᠭᠳᠡᠪᠡ︵2016.06.21︶᠃ ᠹᠣᠨᠲ︵font ᠭᠡᠵᠦ ᠺᠣᠮᠫᠢᠦ᠋ᠲᠧᠷ ᠲᠦ ᠬᠡᠷᠡᠭᠯᠡᠳᠡᠭ ᠦᠰᠦᠭ ᠦᠨ ᠲᠢᠭ︶ ᠬᠢᠬᠦ ᠶᠢᠨ ᠲᠥᠯᠦᠭᠡ ᠠᠪᠢᠶᠠ ᠳᠠᠷᠠᠭᠠᠯᠠᠨ᠂ ᠵᠤᠷᠪᠤᠰ ᠵᠤᠷᠪᠤᠰ ᠢᠶᠠᠷ ᠰᠢᠨᠵᠢᠵᠦ ᠦᠵᠡᠯᠡ᠃ ᠮᠠᠭᠲᠠᠪᠤᠰᠢ ᠲᠠᠢ ᠵᠦᠢᠯ ᠴᠤ ᠪᠠᠢᠨᠠ᠃ ᠰᠢᠭᠦᠮᠵᠢᠯᠡᠬᠦ ᠴᠢᠬᠤᠯᠠ ᠵᠦᠢᠯᠡᠰ ᠴᠤ ᠪᠠᠭᠠ ᠪᠤᠰᠤ ᠪᠠᠢᠨᠠ᠃ ᠡᠨᠳᠡ ᠪᠢ ᠲᠡᠮᠳᠡᠭᠯᠡᠯ ᠪᠣᠯᠭᠠᠨ ᠣᠯᠵᠤ ᠬᠠᠷᠠᠭᠰᠠᠨ ᠵᠦᠢᠯᠡᠰ ᠢ ᠪᠢᠴᠢᠵᠦ᠂ ᠨᠠᠳᠠ ᠲᠠᠢ ᠠᠲᠠᠯᠢ ᠮᠣᠩᠭᠣᠯ ᠪᠢᠴᠢᠭ ᠦᠨ UNICODE-d ᠠᠩᠬᠠᠷᠤᠯ ᠢᠶᠠᠨ ᠲᠠᠯᠪᠢᠵᠤ ᠪᠠᠢᠭᠠ ᠬᠦᠮᠦᠰ ᠲᠠᠢ ᠬᠤᠪᠢᠶᠠᠯᠴᠠᠶᠠ᠃
ᠨᠢᠭᠡ᠂ ᠺᠣᠳ᠋ ᠭᠡᠵᠦ ᠶᠠᠭᠤ ᠪᠤᠢ︖ UNICODE ︵ᠶᠦᠨᠢᠺᠥᠳ᠋︶ ᠭᠡᠵᠦ ᠶᠠᠭᠤ ᠪᠤᠢ︖
ᠪᠢᠳᠡᠨ ᠦ ᠭᠡᠷ ᠲᠡᠭᠡᠨ ᠭᠡᠷᠡᠯ︵ᠳ᠋ᠧᠩ︶ ᠠᠰᠠᠭᠠᠳᠠᠭ᠃ ᠰᠡᠯᠭᠦᠭᠦᠷ ᠢᠶᠡᠷ ᠳᠡᠮᠵᠢᠵᠦ ᠪᠢᠳᠡᠨ ᠲᠡᠭᠦᠨ ᠢ ᠠᠰᠠᠭᠠᠬᠤ ᠪᠤᠶᠤ ᠤᠨᠲᠠᠷᠠᠭᠠᠵᠤ ᠪᠣᠯᠳᠠᠭ᠃ ᠡᠨᠳᠡ ᠴᠢᠬᠤᠯᠠ ᠵᠦᠢᠯ ᠪᠣᠯ ᠳ᠋ᠧᠩ ᠡᠩ ᠦᠨ ᠪᠠᠢᠳᠠᠯ ᠳᠤ ᠵᠥᠪᠭᠡᠨ ᠬᠤᠶᠠᠷ ᠵᠦᠢᠯ ᠦᠨ ᠪᠠᠢᠳᠠᠯ ᠲᠠᠢ᠂ ᠠᠰᠠᠭᠠᠯᠲᠠ ᠲᠠᠢ ᠪᠤᠶᠤ ᠤᠨᠲᠠᠷᠠᠭᠠᠯᠲᠠ ᠲᠠᠢ᠃ ᠲᠣᠮᠳᠠ ᠶᠢᠨ ᠪᠠᠢᠳᠠᠯ ᠦᠭᠡᠢ᠃ ᠡᠩ ᠦᠨ ᠺᠣᠮᠫᠢᠦ᠋ᠲᠧᠷ ᠳᠣᠲᠣᠷᠠ ᠬᠡᠳᠦᠨ ᠰᠠᠶᠠ ︵ᠵᠠᠭᠤᠨ ᠲᠦᠮᠡ︶ ~ ᠬᠡᠳᠦᠨ ᠲᠡᠷᠪᠤᠮ ︵ᠵᠠᠭᠤᠨ ᠰᠠᠶᠠ᠂ ᠠᠷᠪᠠᠨ ᠳ᠋ᠣᠩᠰᠢᠭᠤᠷ︶ ᠰᠡᠯᠭᠦᠭᠦᠷ ᠲᠠᠢ ᠪᠠᠢᠵᠤ᠂ ᠡᠳᠡᠭᠡᠷ ᠰᠡᠯᠭᠦᠭᠦᠷ ᠢᠶᠡᠷ ᠳᠡᠮᠵᠢᠵᠦ ᠪᠣᠳᠤᠯᠭᠠ ᠬᠢᠳᠡᠭ᠃ ᠡᠢᠮᠦ ᠨᠢᠭᠡ ᠰᠡᠯᠭᠦᠭᠦᠷ ᠢ ᠺᠣᠮᠫᠢᠦ᠋ᠲᠧᠷ ᠦᠨ ᠶᠢᠷᠲᠢᠨᠴᠦ ᠳᠦ 1Bit ᠭᠢᠨᠡ᠂ Bit ᠪᠦᠷᠢ ᠨᠢ ᠵᠥᠪᠬᠡᠨ 0 ᠪᠤᠶᠤ1 ᠭᠡᠬᠦ ᠬᠣᠶᠠᠷ ᠲᠣᠭᠠ ᠶᠢ ᠯᠡ ᠲᠡᠮᠳᠡᠭᠯᠡᠵᠦ ᠴᠢᠳᠠᠨᠠ᠃ Continue reading ︽ᠮᠣᠩᠭᠣᠯ ᠶᠦᠨᠢᠺᠥᠳ᠋ ᠦᠨ ᠰᠢᠭᠦᠮᠵᠢ︾
ᠲᠣᠰ ᠰᠢᠢᠳᠪᠦᠷᠢᠯᠡᠯᠲᠡ ᠳᠦ wordpress-in ᠲᠣᠰ ᠪᠡᠶᠡᠨ ᠳᠦ ᠶᠠᠮᠠᠷ ᠴᠤ ᠥᠭᠡᠷᠡᠴᠢᠯᠡᠯᠲᠡ ᠬᠢᠭᠰᠡᠨ ᠦᠭᠡᠢ ᠪᠣᠯᠬᠣᠷ ᠬᠡᠵᠢᠶᠡᠳᠡ ᠬᠠᠮᠤᠭ ᠰᠢᠨᠡ ᠬᠤᠪᠢᠯᠪᠤᠷᠢ ᠶᠢ ᠬᠡᠷᠡᠭᠯᠡᠬᠦ ᠪᠣᠯᠤᠮᠵᠢ ᠲᠠᠢ᠃ wordpress-i ᠮᠠᠰᠢ ᠥᠷᠭᠡᠨ ᠬᠡᠷᠡᠭᠯᠡᠵᠦ ᠪᠠᠢᠬᠤ ᠪᠣᠯᠬᠣᠷ ᠲᠡᠭᠦᠨ ᠦ ᠡᠮᠵᠡᠭ ᠭᠡᠮ ᠢ ᠨᠢ ᠡᠷᠢᠵᠦ ᠡᠪᠳᠡᠯᠡᠭᠡ ᠭᠡᠳᠡᠭ ᠬᠥᠮᠦᠰ ᠴᠤ ᠪᠠᠢᠳᠠᠭ᠃ ᠬᠡᠷᠪᠡ ᠬᠡᠵᠢᠶᠡᠳᠡ ᠰᠢᠨᠡ ᠬᠤᠪᠢᠯᠪᠤᠷᠢ ᠶᠢ ᠬᠡᠷᠡᠭᠯᠡᠪᠡᠯ ᠡᠢᠮᠦᠷᠬᠦᠦ wordpress-in ᠡᠮᠵᠡᠭ ᠢ ᠠᠰᠢᠭᠯᠠᠭᠰᠠᠨ ᠡᠪᠳᠡᠯᠡᠭᠡ ᠪᠡ ᠬᠣᠣᠷᠯᠠᠯ ᠠᠴᠠ ᠵᠠᠢᠯᠠᠰᠬᠢᠬᠦ ᠪᠣᠯᠤᠮᠵᠢ ᠮᠠᠰᠢ ᠥᠨᠳᠥᠷ ᠶᠤᠮ᠃ ᠡᠰᠡᠷᠭᠦ ᠪᠡᠷ᠂ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠬᠠᠭᠤᠴᠢᠨ ᠬᠤᠪᠢᠯᠪᠤᠷᠢ ᠶᠢ ᠬᠡᠷᠡᠭᠯᠡᠬᠦ ᠨᠢ ᠠᠶᠤᠯ ᠲᠠᠢ ᠶᠤᠮ᠃ ᠮᠢᠨᠤ ᠰᠢᠢᠳᠪᠦᠷᠢᠯᠡᠯᠲᠡ ᠳᠦ᠂ wordpress-in plugin-i ᠠᠮᠢᠳᠤᠯᠢᠭ ᠠᠰᠢᠭᠯᠠᠨ᠂ ᠴᠥᠮᠡ ᠪᠠ ᠥᠭᠡᠷᠡᠴᠢᠯᠡᠯᠲᠡ ᠶᠢ ᠰᠠᠯᠭᠠᠬᠤ ᠠᠷᠭᠠ ᠶᠢ ᠠᠪᠤᠪᠠ᠃